ნასამართლობის ცნობის აპოსტილით და ლეგალიზაციით დამოწმება

აპოსტილი/ლეგალიზაციის შტამპი და მისი მნიშვნელობა

აპოსტილი ან ლეგალიზაციის შტამპი არის ოფიციალური სახელმწიფო სერტიფიკატი, რომელიც ემატება დოკუმენტებს (ცნობა, მინდობილობა ან ნებისმიერი ოფიციალური სახელმწიფო დოკუმენტი), რათა ისინი აღიარებულ იქნას სხვა ქვეყანაში წარდგენისას.

როგორც წესი, აპოსტილის სერტიფიკატს გასცემს ის სახელმწიფო, საიდანაც დოკუმენტი მომდინარეობს, თუმცა გარკვეულ შემთხვევებში შესაძლებელია, რომ სხვა სახელმწიფომაც განახორციელოს მისი გაცემის პროცედურა.

იურიდიული თვალსაზრისით, აპოსტილსა და ლეგალიზაციის შტამპს/სტიკერს ერთი და იგივე ფუნქცია აქვს, უბრალოდ ზოგიერთ ქვეყანაში ადგილობრივი ხელისუფლება დოკუმენტის სამართლებრივი ძალის აღიარებისთვის მოითხოვს აპოსტილს, ხოლო ზოგიერთ ქვეყანაში ლეგალიზაციას იყენებენ.

​

მოკლედ რომ შევაჯამოთ:

როგორც აპოსტილი, ისე ლეგალიზაცია უზრუნველყოფს, რომ ადგილობრივად მომზადებულ დოკუმენტს ჰქონდეს საერთაშორისო სამართლებრივი ძალა.

მაგალითად, საქართველოში გაცემულ ნასამართლობის ცნობას ექნება სამართლებრივი ძალა ნებისმიერ ქვეყანაში, თუ მას ექნება აპოსტილი ან გაივლის ლეგალიზაციის პროცესს.

თუმცა, ზოგიერთ ქვეყანაში აპოსტილი აუცილებელი არ არის – ასეთ შემთხვევებში საკმარისია ნოტარიულად დამოწმებული თარგმანი და ბეჭედი.